Башкортстанда яшәүче хатын 3 яшьлек улын чеметеп, тешләп һәм тырнап җәзалаган
1809
Башкортстанның Туймазы районара суды биредә яшәүче хатын-кызга карата хөкем карары чыгарган. Ул нәни улын газаплап торган. Бу турыда «Башинформ» хәбәр итте.
Суд ачыклаганча, 2022 елның мартыннан июньгә кадәр әни кеше 3 яшьлек улын чеметә, тырный һәм тешли. Ул баласын шукланган өчен шулай «тәрбияли». Баланың тәнендә бик күп гематомалар һәм кара янган урыннар барлыкка килә.
Әлеге хәлне күргән туганнары полициягә мөрәҗәгать иткән. Хөкем ителүче хатын гаебен таныган. Суд аны 3 елга шартлы рәвештә ирегеннән мәхрүм иткән.
Ул ана булу хокукыннан мәхрүм ителмәгән, хисапка куелган, гаилә белән профилактика эшләре оештырганнар, диелә хәбәрдә.