Куславккари парк хăтлăланĕ
Чăваш Республики «Пĕчĕк хуласене хăтлăх кĕртесси» программăна хутшăнса ăнăçлă ĕçлет. Канаш, Улатăр, Етĕрне, Сĕнтĕрвăрри хулисенче пурнăçа кĕртнĕ вĕсене. Куславкка хули те çак конкурса хутшăнса тĕп парка çĕнетме тĕллев лартнă. Паянхи реконструкци валли проект хучĕсем хатĕр. Çак кунсенче Хусантан килнĕ архитекторсем парк проектне халăхпа пĕрле сÿтсе яврĕç. Хулара Николай Лобачевский фестивалĕ иртнĕ май, калаçăва чылай çын хутшăнчĕ.