Ĕмĕт пурнăçланчĕ
.jpg)
Çĕнĕ çул çывхарать, ачасен ĕмĕтне пурнăçлать. Çакна тума «Ĕмĕтсен чăрăшĕ» акци май парать. Кăçал Чăваш Ен Пуçлăхĕ Олег Николаев Хĕл Мучи пулса шăпăрлансен кăмăлне пĕрре мар тивĕçтерчĕ. Хальхинче республика ертӳçи Канаш районне çитрĕ.
Асли телескоп çинчен ĕмĕтленнĕ, кĕçĕнни планшет алăра тытасшăн пулнă. Костьăн ĕмĕтне Чăваш Ен Пуçлăхе Олег Николаев Мускавра чăрăшран татса илнĕ. Паян ĕмĕт пурнăçланчĕ. Тимуршăн асамçă вырăнне вара Цифра министрĕн тивĕçĕсене вăхăтлăх пурнăçлакан Екатерина Грабко пулчĕ. Арçын ачасем ĕмĕтсем пурнăçланасса шанман та.
НАТАЛИЯ МАКСИМОВА: «Манăн ачасен юлташĕсем пирĕн патне киле килеççĕ, анчах ытларах вĕсен юлташĕсем интернет урлă. Вĕсен ĕнтĕ «WhatsApp» пĕр групппа пур. Çавăнта пĕр ачи Костьăна «Ĕмĕтсен чăрăшĕ» пур тет. Хăвăн ĕмĕте çырса пар тет. Эпĕ ĕнтĕ ун пек япаласене ĕненсе каймастăп, вăл мана айта заполнять тăватпăр тет. Ачан кăмăлне хуçас килмест те ман».
Ачисем хистенипех амăшĕ ĕмĕтсене çырнă. Ывăлĕсен шухăшĕсем пурнăçланнипе ашшĕ-амăшĕ те питĕ хĕпĕртенĕ. Костя çăлтăрсене тĕпчеме ăнтăлать. Халĕ вара нимĕн те чăрмантармалла мар. Тимур планшета уроксенче усă курма палăртать. Олег Николаев ачасене çывхарса килекен Çĕнĕ çулпа саламларĕ, тепĕр хут тĕл пулма шантарчĕ.