Күрше төбәктә яшәүче хатынны энесе һәм элеккеге ире вәхшиләрчә үтергән
Удмуртиядә яшәүче 34 яшьлек хатынны энесе һәм элеккеге ире үтергән. Аның мәетен Ижевск шәһәрендә гаражлар янында тапканнар. Хокук саклаучылар тиз арада хатынның 20 яшьлек энесен һәм 48 яшьлек элеккеге ирен тоткарлаганнар. Бу турыда «Вести» каналы хәбәр итте.
Тикшерүчеләр ачыклаганча, хатын ире белән аерылыша. Шуннан соң ир аңа үч саклап йөри, ул элеккеге хатынын үтерергә җыена. Җинаятьтә ярдәм итү өчен, хатынның энесен чакыра. Энесе дә апасына үчле була.
6 ноябрьдә 23 сәг тирәсендә энесен апасын гараж кооперативында саклап тора. Хатын эштән гел шул урыннан кайта. Ир-ат апасы артыннан килеп һөҗүм итә һәм башына чүкеч белән берничә тапкыр сугып үтерә.
«Ир-атлар җинаять урыныннан машинага утырып кача, җинаять коралын буадагы суга ыргыталар. Имгәнгән хатын урында ук үлә», дигәннәр Тикшерү комитетында.
Тикшерү эшләре бара, диелә хәбәрдә.