Путин студентларга: президент стипендиясе 30 мең, ана капиталы - 630 мең сум булачак
Россия Президенты Владимир Путин студентлар көнендә Калининград студентлары белән очрашты.
Очрашуда президент әйткән төп фикерләр:
– Бөтен ил буенча 25 яңа кампус төзеләчәк, аларның 8е инде төзелеп килә;
– Белем бирүнең яңа системасы һөнәргә яхшырак төшенергә һәм хезмәт базары өчен ярашлы белем алу мөмкинлеге бирә;
– Кампуслар белән башка вуз студентлары да, шәһәр кешеләре дә файдалана алачак, тик иминлек мәсьәләләрен хәл итәргә кирәк;
– Тәрбия белемнән башка мөмкин түгел. Безнең мәдәни кыйммәтләрдән башка тәрбия мөмкин түгел;
– Яшьләрнең үз вакытында гаилә коруы дәүләт өчен кирәк;
– Халык санын арттыру өчен, гаиләдә кимендә 3 бала булырга тиеш, ә моның өчен гаиләне иртәрәк корырга кирәк;
– Беренче бала өчен ана капиталы индексацияләнәчәк һәм 630 мең сум чамасы булачак;
– Президент стипендиясе артачак һәм 30 000 булачак;
– Хөкүмәт стипендиясе 20 000 була;
-
Хәзер президент стипендиясе – 2200, ә приоритетлы юнәлешләрдә 7000 сум. Аны 3400 студент ала. Шулай итеп, бу стипендия 4,3-13,6 тапкыр арта.
-
Хөкүмәт стипендиясен 5700 кеше ала, ул 1440 сумнан 5000 сумга кадәр. Бу стипендия 4-14,3 тапкыр арта булып чыга.
-
Президент һәм хөкүмәт стипендияләрен фәнни хезәмәтләре булган, олимпиадаларда катнашкан, фәнни ачыш ияләре булган, бары тик бик яхшы һәм яхшы билгеләргә генә укучы студентлар һәм аспирантлар алырга мөмкин.
-
Президент һәм хөкүмәт стипендияләре конкурс нигезендә бирелә, алар хакында тулырак степендиатроссии.рф сайтында мәгълүмат табарга мөмкин.
– Россиядә һинд студентлары диаспорасы арта;
– Безнең илдә мәгариф үсешенә һәрвакыт зур игътибар бирелде;
– Дәүләтебезнең уңышы һәм киләчәге мәгарифкә бәйле;
– Эш бирүчеләрнең югары белем кирәклегенә таләпләрен күрмим;
– Югары белем алырга теләүче ата-аналар һәм студентлар саны 50 проценттан 70 процентка артты;
– Югары белемгә кызыксыну арта, җитештерү өлкәсендә югары квалификацияле эшче һөнәр ияләре мөһим роль уйный;
– Эшче белгечлекләрдә хезмәт хакы шактый югары;
– Үз белемең дәрәҗәсен арттыру нормага әйләнергә тиеш.
«Коммерсантъ»