2025 иестэнть саезь «Пушкинэнь карта» программась кармась «Кудораське» раськень теварсевксэнь пельксэкс (эрзя)
Васенцекс сынст тевс нолдамост коряс кармась Мордовиясь, истя жо колмо васенце регионтнэнь ютксо – Кемеровской областесь ды Северной Осетиясь. Сехте вечкевикс категориякс картань од кирдицятненень коень коряс кадови кинось, омбоце таркасо – театрась. Течинь чинтень ВТБ-сь, конась те иенть ушодовомсто кармась программань операторокс, нолдась малав 6 миллионт Пушкинэнь картат. Эрьва ие «Пушкинэнь карта» программантень вейсэндявить Россиянь эрьва кодат регионтнэстэ культурань седе ламо организацият. Течи тей совить культурань 12 тёжадо ламо организацият Россиянь весе регионтнэстэ. Течинь чинтень мероприятиятнень ламочись уш 55 тёжадо ламо весе масторонть келес. Пешксе списканть марто мереви содавтовомс «Культура.РФ» порталсо ды «Госуслуги Культура» мобильной приложениясо. Пушкинэнь картась максови од ломантненень 14 иестэ саезь 22 иес. Сонзэ лангс государствась эрьва ие ютавты субсидият 5 тёжат целковоень покшолмасо, конатнень мереви ютавтомс ансяк культурань мероприятиятнес билеттнэнь лангс (театрав ды кинов якамотнень, невтематнень ды концерттнэнь ванноманть).