«Уроки этнографии в Сети» теварсевксэсь (эрзя)
«Уроки этнографии в Сети» — «Россиянь Федерациянь финнэнь-угрань культурань куншкакуро» В.Д. Поленов лемсэ ГРДНТ-нь филиалонь тонавтомань теварсевкс. Те минек масторонь раськетнень историянтень, культурантень ды койтненень алтавиця видеолекциянь невтема. Россиясо кудораськень иестэ теварсевксэнь анимированной од ветицякс тееви Уральский профессоронть нуцьказо – Василиса Уральская. Ялгацек мартонзо ёвтницякс кармить школань тонавтницят, студентт ды Коми Республикань культурасо важодицят. Видеосюжеттнэнь юрсо – этнографиянь наукань чарькодевикс лувсо ёвтневиця даннойть. Эрьва сюжетэсь – те фотоиллюстрация ды видеоряд марто 5 минутасто саезь 11 минутас интерактивень аволь покш лекция. Видеолекциянь прядовомсто, кода тонавкссояк, максови кудонь тев. Ветицятнень марто вейсэ Василиса карми ёвтнеме Россиянь раськетнень койтнеде, ёвкстнэде ды содавтомо ваныцятнень масторонть лия ёнов а молиця этнической ламочинть марто. Кемтяно, од ветицянь мельс туиця тевтне ды сонськак вечкевить тыненк истя жо, кода содавикс Уральский профессорось! «Уроки этнографии в Сети» теварсевксэнь весе материалтнэ кармить путовомо «ФИННОУГРОвидение» видеопорталсо, Youtube-каналсо ды «ВКонтакте» Финнэнь-угрань культурань куншкакуронь куросо. Од сезононь васенце лекциянть марто мереви содавтовомс панжиковонь 17-це чистэ 16 чассто https://vk.com/video/playlist/-151965393_6 ссылкаванть.
Содавтомга. «Россиянь Федерациянь финнэнь-угрань культурань куншкакуро» В.Д. Поленов лемсэ ГРДНТ-нь филиалось «Уроки этнографии в Сети» панжинзе 2020-це иень таштамковонь 1-це чистэ. Васенце ветицякс ульнесть анимациянь Уральский профессорось ды Лиза тонавтницясь. 2021-це иестэ «Народная культура для школьников» весе Россиянь акциянть лувсо компьютерэнь профессоронть марто видеоневтематнень теемантень явсть мель Сыктывкар ошонь школань тонавтницятне. 2022-2023-це иетнестэ «Тонавкстнэнь» ветясть Коми Республикань ВУЗонь тонавтницятне.