Сочи олимпиадасында катнашкан спортчы кыз фаҗигале һәлак булган
161
2014 елда Сочида узган Олимпиадада катнашкан Канада спортчысы Александра Пол юл һәлакәтендә үлгән. Бу турыда «Вести» каналы хәбәр итте.
Фигуралы шуучы үлеме турында CBС Sport язган. Чыганак белешмәсе буенча, спортчының автомобиле идарәсен югалткан йөк машинасына бәрелгән. Фура тагын берничә машинаны таптаган.
Машинада Александра белән бергә аның нәни улы да булган. Балага зыян килмәгән.
Александра Пол Сочида Митчелл Ислам белән чыгыш ясый. Алар 18нче урын ала, 2 елдан карьераларын тәмамлыйлар, тагын 5 ел узгач туй ясыйлар, диелә хәбәрдә.