Миләүшә Сафина: «Әни булуымнан тәм табып яшим. Әйе, бу бер дә җиңел түгел»
Җырчы Миләүшә Сафина ире һәм ике кечкенә улы белән Кызыл диңгез буенда ял итеп кайткан. Ул балалар белән ял итүдән алган хис-кичерешләре белән бүлешкән
«Комлыкта, ресторанда, кунакханә территориясендә, аэропортта без ирем белән малайлар артыннан гына йөгереп йөрдек», – дип язган ул социаль челтәрдәге битендә.
«14 елга беренче тапкыр балалардан башка ял итәргә килдек, һәм бу – шундый рәхәт», «Һәр нәрсәнең үз вакыты, хәзер мондый кечкенә балаларны карый алмас идем», – дип әйткән ял итүчеләргә: «Әйе, бу – сабырлык һәм күп көч таләп итә. Әмма балаларның шатлануын, комнан яланаяк йөгерүен күрү – минем өчен чын бәхет. Сүз уңаеннан, кунакханәдә ике кечкенә бала белән ял итүчеләр без генә», – дип җавап язган җырчы.
«Нишләп ике бала, сезнең бит өчәү», – дип, җырчының «авырткан җиренә» кагылучы да табылган.
«Мин балалардан башка тыныч кына ял итә алмас идем. Бу тормышта барысын да алар өчен эшлибез», «Сез – матур гаилә, сезгә карарга күңелле», – дип тә язучылар бар.
Инвалид бала үстерүче җырчы Миләүшә Сафина: «Миңа ошамаган әйбер – кешенең әшәкелеге».