Волгоградта оборона заводы территориясендә янгын чыккан
17 август иртәсендә Волгоградта «Кызыл Октябрь» заводы территориясендә янгын чыга. Аның территориясендә 50 квадрат метр мәйданда трансформатор мае янган.
Янгын турында хәбәр 09.08 сәгатьтә килеп ирешкән. Бу турыда Россия гадәттән тыш хәлләр министрлыгының Волгоград өлкәсе буенча Баш идарәсе матбугат хезмәтендә хәбәр иткәннәр.
Һәлакәт урынында 1нче янгын-коткару отряды расчеты эшләгән.
«10.50 сәгатькә янгын тулысынча сүндерелгән. Һәлак булучылар һәм зыян күрүчеләр юк», – дип, РФ Гадәттән тыш хәлләр министрлыгының Волгоград өлкәсе башлыгы Николай Любавин хәбәр иткән.
Сүз уңаеннан, Кызыл Октябрь «МИ» һәм «Ка» вертолетлары өчен көч агрегатлары, самолет агрегатлары коробкалары (КСА) ясый, «Су» самолетлары өчен газ турбиналы һәм турбостартерлар җитештерә, ремонтлый һәм хезмәт күрсәтә.