Айдар Рәкыйпов: «Кызыл диплом эченә минем исемем язылган»
288
Яшь җырчы Айдар Рәкыйпов күптән түгел генә сөйгәне белән никах укыткан иде. Шушы көннәрдә артистның тормышында тагын бер куанычлы вакыйга булган – ул Казан дәүләт мәдәният университетында Венера Ганиева классын тәмамлап, кызыл диплом алган.
«Әлеге кызыл диплом эченә минем исемем язылган. Бүген мин магистр дипломына ия булдым. Күңелдә – аңлатып бетереп булмаслык шатлык.
Венера Әхәтовна, сезгә бәяләп бетергесез хезмәтегез, безгә ышанычыгыз һәм һәрвакыт терәк булуыгыз өчен зур рәхмәт», – дип язды бу хакта Айдар социаль челтәрдәге сәхифәсендә.
Фото: © Айдар Рәкыйпов сәхифәсеннән