Машина эченә кергән эт аучыны мылтыктан атып үтергән
Ленинград өлкәсендәге Тосно урманында гадәттән тыш хәл булган. Бу турыда «Комсомольская правда» хәбәр итте.
Ике ир-ат ауга бара. Бер мизгелдән дусларның берсе үзе мишеньгә әверелә.
Якынча белешмә буенча, иптәшләр аудан соң мылтыкларын машинаның арткы утыргычына кертеп сала. Биредә генә эт йөри. Эт мылтыктан ничектер ата.
«Машина эчендә ике мылтык – аларның берсен саклагычка да куймаганнар – һәм бер эт була. Якынча белешмә буенча, эт биредә болганып йөри һәм ничектер курокка баса», – дигән «КП» сайтының үз чыганагы.
47 яшьлек ир-ат бу вакытта машина янында була. Ул тәмәке тартып тора. Шул чакта мылтыктан атылган ядрә машина ишеген тишә һәм ир-атка тия. Иптәше шунда ук ашыгыч ярдәм чакыра. Ләкин аучылар урман эчендә үк була. Табиблар аларны бик озак эзли.
Яраланган ир-ат кан югалтудан үлә. Тикшерү эшләре бара, диелә хәбәрдә.