Государствань масторкодстонь чинтень (эрзя)
Мордовия Республикань эрицятне совасть «Россиянь масторкодстонь тюсст» онлайн-флешмобонь мелень васенце явицятнень юткс, конань анокстызе Изнямонь Музеесь. Акциясь ютавтови Россиянь Государствань масторкодстонь Чинтень, кона тешкстави умарьковонь 22-це чистэ. Патриотической онлайн-мозаикань теемантень масторонь эрьва кодамо ужинетнестэ тердевить мелень весе явицятне. Весемезэ пелькстыцятнень пельде Изнямонь Музеень сайтс уш кучозь 1 тёжа 500 ламо фотоснимкат. Важодематнень ютксо – Мордовиянь вишка ды покш эрицятнень фотографиятне, саемга, 8 иесэ Василиса Трофимовань важодевксэсь. Минек масторонь эрицятне эсест лия ёнов а молиця лембе валонь ёвтамонь лувсо теить Россиянь масторкодстонть эсест кедьсэ – теить коллажт, аквагрим, конёвонь теевкст ды композицият, стыть някат ды налкшкеть, мазылгавтыть покш ды вишка нупальтнень ды ламо лия. Онлайн-флешмобонтень вейсэндямга, эряви умарьковонь 14-це чис анокстамс Россиянь масторкодстонь тюссто аштиця композициянь шкинемань фотоснимка ды кучомс сонзэ музеень сайтс. Покшчинь чистэ пелькстамонь лопасо карми панжадо виртуальной невтема, конас совить сех лия ёнов а молиця важодевкстнэ. Россиянь Государствань масторкодстонь чистэ мелень явицятнень фотоважодевксэнь коллажонть несызь тёжат ваныцят. Изнямонь Музеень сайтсэ келемтеви Россиянь Федерациянь вейкине покшто-покш масторкодст, а ламодояк ламо снимкатне теевить Россиянь колмо тюсонь масторкодстонь мазый мозаикакс», — тешкстызь Изнямонь Музейсэнть. Истяжо флешмобонть лувсо юты интернетэнь тевс нолдыцятнень арсемаст коряс сех вадря важодевскэнь кис онлайн-вайгелень максома. Максомс вайгеленть виртуальной важодевкстнэнь кис мереви умарьковонь 22-це чистэ саезь таштамковонь 2-це чис.
«Приз зрительских симпатий» номинациясо изнить вете пелькстыцят, конат таштасть сехте ламо вайгельть. Флешмобонтень весе мелень явицятненень электронной почтава максовить лемень сертификатт, а сех вадря важодевксэнь теицятненень – лездыцятнень пельде питнев казнеть. Онлайн-флешмобонь лездыцятне – «Триколор» операторось ды «День Победы» телеканалось.