13 яшьлек малайның бөтен ашказаны монтажлау күбеге белән тулган
159
Оренбург өлкә клиник хастаханәсенә эче авырткан 13 яшьлек малайны алып килгәннәр. Табиблар тикшергәч, аның эчендә бөтен ашказанына диярлек тулган чит предмет булуын ачыклаган. Бу турыда «Комсомольская правда» яза.
Кечерәк өлешен алгач, чит предметның монтажлау күбеге булуы билгеле була. Полиуретаннан ясалган монтажлау күбеген күргәч, табиблар да шакката.
Аны эндоскопия юлы белән чыгару мөмкин булмый, шуңа күрә хирургларга операция ясарга туры килә. Табиблар төркеме баланы коткарган, хәзер ул канәгатьләнерлек хәлдә.
Хастаханәдә хәбәр иткәнчә, операциядән соңгы чор яхшы уза, пациент үзен әйбәт хис итә.
Монтажлау күбеге баланың эченә ничек кергәне турында табиблар әйтә алмый, диелә хәбәрдә.