Трассада авариядә 20 яшьлек егет һәм 17 яшьлек кыз һәлак булган
19
13 октябрьдә Пенза чигендә М-5 «Урал» федераль трассасында җитди авариядә үлүчеләрнең шәхесләре билгеле булды. Бу хакта «Столица58» хәбәр итә.
Өлкә прокуратурасында хәбәр итүләренчә, юл-транспорт һәлакәтендә «ВАЗ-21154» җиңел автомобиле пассажирлары – 20 яшьлек ике егет һәм 17 яшьлек кыз үлгән.
Фаҗига көндезге сәгатьләрдә трассаның 646 нчы километрында булган.
Якынча мәгълүматлар буенча, 20 яшьлек егет идарә иткән «ВАЗ-21154» автомобиле «МАЗ» йөк машинасы белән бәрелешкән. Йөк автомобиле белән 21 яшьлек егет идарә иткән. Җиңел машина йөртүчесе һәм 2 пассажир урында ук һәлак булган.
Юл-транспорт һәлакәте факты буенча тикшерү барышын Пенза өлкәсе прокуратурасы контрольгә алган, диелә хәбәрдә.