Самара өлкәсендә коточкыч авариядә өч кеше һәлак булган
34
Самара өлкәсендә юл һәлакәтендә өч кеше үлгән. Бу турыда Самара буенча Эчке эшләр министрлыгы хәбәр итте.
Фаҗига 17 июльдә 06.30 сәгатьтә М5 «Урал» трассасына була. Skoda Rapid машинасы Самара ягыннан Уфага таба бара. Аны 74 яшьлек ир-ат идарә итә. Билгесез сәбәпләр аркасында, бу машина каршы як полосага чыга һәм Fiat фургонына бәрелә. Фургон белән 50 яшьлек ир-ат идарә итә.
Авариядә Skoda йөртүчесе, аның ике пассажиры үлә. Пассажирлар – 46 яшьлек хатын-кыз һәм 43 яшьлек ир-ат арткы утыргычта булган. Алгы утыргычтагы 69 яшьлек пассажир хатын-кыз имгәнгән, аны хастаханәгә илткәннәр.
Fiat йөртүчесе һәм пассажиры имгәнмәгән.
Тикшерү эшләре бара, диелә хәбәрдә.