Күрше төбәктә авариядә алты кеше һәлак булган, тугыз кеше имгәнгән
165
Самара өлкәсендә автобус ике йөк машинасы белән бәрелешкән. Авариядә алты кеше һәлак булган. Тагын тугыз кеше имгәнгән. Бу турыда РЕН ТВ хәбәр итте.
Фаҗига М5 «Урал» юлының 83 нче километрында Ветлянка торак пункты янында килеп чыга.
Якынча белешмә буенча, автобуста 15 кеше була.
«Бүген 9.20 сәгатьтә Нефтегорский районында М5 «Урал» юлының 83 нче километрында өч транспорт чарасы бәрелешә. Шул исәптән маршрут автобусы», – дип әйткәннәр Россия Эчке эшләр министрлыгының төбәк буенча идарәсендә.