Коточкыч авариядә алты кеше һәлак булган
Саратов өлкәсендә 28 февраль төнендә коточкыч авария була. Лысогорский районында юл һәлакәтендә 6 кеше үлә, аларның өчесе Башкортстанда яшәгән. Бу турыда «Башинформ» хәбәр итте.
Якынча белешмә буенча, Гремячий бистәсенә борылышта «ВАЗ-2112» һәм «Лада Гранта» бәрелешә.
«Лада Гранта» машинасында өч кеше – йөртүче һәм ике пассажир, «ВАЗ-2112» машинасында Башкортстанда яшәүче өч кеше – 39 яшьлек йөртүче, 40 һәм 44 яшьлек ике пассажир һәлак була. «ВАЗ-2112» машинасында 44 яшьлек пассажир исән кала, аны хастаханәгә озатканнар.
«Лада Гранта» белән идарә итүче 30 яшьлек ир-ат Азәрбайҗан кешесе. Якынча белешмә буенча, февраль башында бу кешене наркотиклардан исерек килеш тотканнар, эшне судка тапшырганнар. Аңа минималь штраф салганнар, илдән кумаганнар.
Тикшерү бара, диелә хәбәрдә.