«Берничә метр барды да ауды». Үсмер малайны ток сугып үтергән
5 июньдә көндез Ленинград өлкәсендә 11 яшьлек малай дуслары белән уйнарга чыгып китә һәм югала. Көндез киткән баласы кайтмагач, әнисе чаң суга башлый. Баланы «ЛизаАлерт» волонтерлары да эзләшә. Аннары аның һәлак булуы билгеле була, мәете табыла.
«Малай дусларына эксперимент күрсәтмәкче булган», – дип яза «Комсомольская правда».
Ул Ленинград өлкәсендә Тимер юл күперендә үлгән. Ул контактлы үткәргечләргә тотынган. Шул чакта баланы ток суккан. Хәзер җинаять эше ачылган, тикшерү бара.
Тикшерүчеләр белән криминалистлар ачыклаганча, малай дуслары белән тимер юл күперендә уйнап йөргәндә, контакт челтәренә бер үткәргеч кисәге белән орынып, банкага ток тәэсирен күрсәтмәкче була.
Ток суккач, малай әле тагын берничә метр бара, аннары егыла. Ул шунда ук үлә, диелә хәбәрдә.