16 июньгә һава торышы һәм ай календаре
226
16 июньдә Татарстан алмашынучан болытлы һава торышы көтелә. Төнлә явым-төшем ихтималы аз. Көндез һәм кич урыны белән кыска вакытлы яңгыр, яшен фаразлана, кайбер районнарда көчле яңгыр, боз яварга мөмкин. Җил көньяк-көнбатыштан исәчәк, ә аннары төньяк-көнбатыш юнәлешен алачак. Аның тизлеге 15-20 метр, ә урыны белән 24 метрга кадәр фаразлана.
Төнлә һава температурасы +14..+19 градус, көндез +24..+29 градус булачак.
Тулы ай.
Бу көнне нәрсәдер чәчәргә, утыртырга, күчереп утыртырга һәм кисәргә киңәш ителми. Шытымнарны сирәкләү, йомшарту, түтәлләр әзерләү, агач һәм куакларны корткычларга каршы эшкәртү өчен дә уңай вакыт түгел.