«Юлга кабан дуңгызы чыккан». Чистайда коточкыч авариядә ике кеше һәлак булды
135
Бүген кич белән Чистай районында трассада «Киа» машинасы белән авариядә ике кеше үлгән. Бу турыда Татарстан прокуратурасына сылтама белән «Татар-информ» хәбәр итте.
«Киа» машинасы зур тизлектә барган килеш кабан дуңгызына бәрелә. Аннары автомобиль каршы як полосага чыгып китә һәм йөк машинасына бәрелә.
Фото: © Татарстан прокуратурасы
Җиңел машинага җитди зыян килә, ул тулысынча диярлек җимерелеп беткән.
«Киа» машинасындагы ике пассажир урында ук һәлак була, йөртүчесен хастаханәгә илткәннәр.
Авария сәбәпләре ачыклана, тикшерү эшләре бара, дип хәбәр иткән ЮХИДИ.
Фото: © ЮХИДИ
ЮХИДИ барлык йөртүчеләрне дә игътибарлы һәм сак булырга, трассага кыргый җәнлекләр килеп чыгу ихтималын исәпкә алырга чакыра.
Фото: © Татарстан прокуратурасы