Хәрби операциядә аягын югалткан Илдар Яңа ел бәйрәменә өенә кайткан
«Интертат» Мамадыш районы Түбән Ушмы авылыннан махсус хәрби операциягә киткән Илдар Рәшитов (Игорь Киселев) язмышы турында язган иде.
- «Әби, бер аягымны тездән түбән югалттым» – Хәрби операция зонасында яраланган егет тарихы
Мамадыш районы Түбән Ушмы авылында яшәүче Гүзәлия апа Рәшитова ул язмабызда чит җирләрдә 30 ел гомер кичереп, бердәнбер баласын югалтып, оныгы белән бергә кире туган ягына кайтып төпләнергә мәҗбүр булуы турында сөйләде. Оныгы, махсус хәрби операция башлангач, мобилизация буенча хәрби хезмәткә алына. Бәрелешләр вакытында ул аягын югалта һәм Ростов госпиталенә эләгә.
Шушы көннәрдә Илдар туган йортына Яңа ел бәйрәменә кайткан. Аның таякка таянып кайтып килү күренешен социаль челтәрдә авыл төркемендә күрсәттеләр. «Безнең героебыз Яңа елны өендә, туганнары янында каршы алачак», – дип язганнар видеода. Бү күренешне караганда күңел тула.
- 4-5 көнгә югалып торды. Хәбәре бөтенләй булмады. Аннары кабат үзе шалтыратып: «Әби, мин госпитальдә ятам, бер дә кайгырма, мин исән, кыйпылчыклар гына эләкте», – диде, мине тынычландырырга тырышып.