Зинира Рамазанов балалары турында: «Гастрольләр 15 көннән узса, Айгизә елап шалтырата»
«Татарстан – Яңа гасыр» телеканалында «Сөйләшергә вакыт» тапшыруында Зинира һәм Ризат Рамазановлар кунак булды. Анда Зинира гастроольләр вакытында балаларны сагынуы, алар өчен борчылуы турында сөйләде.
«Балалар янында була алмыйбыз. Аларга иң кирәкле вакыттыр. Эшебез шул. Әле Рияз аңлап бетерми, Айгизә кызыбызга рәхмәт, ул аңлый. Матди якны да уйлыйсың, кимсенеп үсмиләр. Кызым иртән чәчен үреп озатуны телидер. Гастрольләр 15 көннән узса, Айгизә дә сагына, елап шалтырата. Аның күчеш чоры башлана. Мин аның белән малайлар, тәртип турында сөйләшергә тиештер. Безне әниләр иртән чәчне сыйпап, иркәләп йокыдан уята иде, чәй ясап бирәләр иде. Безнең балаларга андый мөмкинчелек юк.
Рияз да дәү әнисе, апайлары кулыннан кулына йөреп, иркәләнеп кенә үсә инде. Начар уйлар уйлыйсы килми, ышанычлы кулларда, чит кешеләр белән түгел бит. Күңелебез тыныч. Әти-әниләргә рәхмәт», – дип сөйләде җырчы.