Әки авылында яшәүче ир-ат атасын үлгәнче кыйнаган да полиция чакырган
41
Татарстанда яшәүче ир-ат атасын кыйнап үтергән, дип шикләнәләр. Бу турыда Россия Тикшерү комитетының Татарстан буенча Тикшерү идарәсе матбугат хезмәте хәбәр итте.
Бүген Казанның Әки бистәсендә 57 яшьлек ир-ат мәете табыла. Аның башында бик күп гематомалар була. Тикшерүчеләр җинаять эше ача.
Җинаять кылуда шикләнеп, мәрхүмнең 33 яшьлек улы тоткарланган. Ул моңа кадәр дә хөкем ителгән булган. Тикшерү ачыклаганча, ата белән улы исерек килеш талаша, аннары сугышалар. Шул чакта улы атасының башына бик күп тапкыр суга. Аннары, атасы үлгәнен белгәч, ул экстрен хезмәтләргә шалтыратып, барысы да сөйләп бирә.
Тикшерү эшләре бара, диелә хәбәрдә.