Ине Отечествань войнань ледстнемга (эрзя)
Медьковонь 20-це чистэ 14 чассто Лямбирень буень Атемар велесэ леднемань таркасо юты «На безымянной высоте» Регионъютконь реконструкция. Мероприятиясь алтави Ине Отечествань войнань иетнестэ Советской раськенть подвигень ледстнемантень, истяжо 1943-це иестэ лисезь тевтнень мельс ледстямга. Реконструкциясо кармить Мордовия Республикань патриотической организациянь ды вейсэндявксонь представительть, Татарстан Республикань, Саратовань, Самарань, Ульяновскоень, Обран ёнксонь реконструкторт. Мероприятиянть лувсо кармить важодеме интерактивень таркат ды невтемат. Покшчинь участниктнень ды инжетнень туртов анокстыть войнань паксянь ярсамонь тарка.
«На безымянной высоте» Регионъютконь реконструкциясь топавтови «Тонавтома» раськень теварсевксэнь «Развитие системы поддержки молодёжи» («Молодёжь России») региононь проектэнть лувсо од ломанень тевень коряс федеральной Агентствань кирдеманзо вельде. Мероприятиянь ютавтыцятне Мордовия Республикань од ломанень коряс государственной Комитетэсь ды «Од ломанень республикань гражданско-патриотической куншкакуро» государственной бюджетэнь учреждениясь.