Новое
Татарстан табиблары хәрбинең бавырын тишеп кергән куркыныч ярчыкны алган
52
Татарстанның Республика клиник хастаханәсе табиблары махсус операциядә катнашкан хәрбинең бавырын тишеп кереп, венасы янына ук кадалып калган тимер ярчыкны алган. Бу хакта «Татар-информ» яза.
45 яшьлек ир-ат узган елда хәрби хәрәкәтләр зонасында яралана, шуннан соң аны сәламәтлеге буенча комиссиялиләр. Ярчыкны РКБда тикшеренүләр узганда күреп алганнар. Ул бик куркыныч урында урнашкан – корсакта теләсә нинди җәрәхәт булган очракта, ярчык венаны тишәргә, шуннан соң көчле кан китәргә, һәм пациент үләргә мөмкин була.
РКБның 2 нче хирургия бүлеге командасы 2 сәгатьлек операция вакытында ярчыкны уңышлы гына алган. Операция ясалган пациентны берничә көннән өенә кайтарып җибәргәннәр.