26 яшьлек Нәрисәне эзлиләр
Башкортстанның Зилаир районы Иске Якуп авылында 26 яшьлек Нәрисә Исламгулова югалган дип хәбәр итә «Поиск детей-Уфа» төркеме. Ул 1 июльдән бирле юк, аны волонтерлар эзли.
Аның хакында хәбәр булучыларны 8-963-094-50-85, 8-904-803-33-24 яки 102 номерлары буенча элемтәгә керүләрен сорыйлар.
Җиләк сезоны булу сәбәпле, югалучылар саны арта бара. Кичә Алабуга районында ике хатын-кыз югалган иде.
1982 һәм 1979 елгы ике хатын Танай урманына җиләккә китеп бара, бәхеткә, алар телефоннары тота торган урында була. Алар 06.47 сәгатьтә шалтыратып, телефоннары утырып баруын, адашуларын әйтәләр. Коткаручылар, махсус җиһазлар ярдәмендә аларның якынча кайда икәнлеген ачыклый. Көчле җил һәм яңгыр эзләргә комачау итә, әмма 08.05 сәгатьтә аларны табып алалар. Алар автомобильләреннән 1,5 километр ераклыкта була. Чәй эчергәч, аларны өйләренә озаталар.
- Урманда адашмас өчен нишләргә?