«Өйләнештеләр дә Төркиягә ширбәт аена баралар иде». Ир белән хатын Уфа юлында һәлак
46
Башкортстанда автобус белән авариядә Оренбургтан килгән ир белән хатын һәлак булган. Бу турыда «Башинформ» хәбәр итте.
«Yutong» автобусы Уфа – Оренбург юлында җиңел машинага бәрелә.
Биредә «Opel Astra» машинасы белән идарә итүче 60 яшьлек ир-ат һәм 50 яшьлек пассажир хатын-кыз һәлак була.
Автобус Уфа – Күмертау маршруты буенча бар. Салонда 10 пассажир була. Алар арасында зыян күрүчеләр юк.
«Башинформ» агентлыгы белешмәсе буенча, һәлак булган ир-ат белән хатын-кыз әле яңа гына өйләнешкәннәр һәм аэропортка барулары булган. Алар ширбәт аена Төркиягә очарга җыенган, диелә хәбәрдә.