Басу юлында авариядә ике бала үлгән
169
20 июньдә көндез Ульяновск өлкәсендә авариядә 2 бала һәлак булган. Бу турыда Эчке эшләр министрлыгына сылтама белән Ульяновск басмасы хәбәр итте.
Төштән соң «Солдатская Ташла – Кузоватово – Новоспасское» юлында «Тойота Рав 4» машинасы юл кырыена төшеп китә. Рульдә 61 яшьлек хатын-кыз була, ул идарәсен югалта.
Фаҗигадә 9 һәм 11 яшьлек ике баланың гомере өзелә. Йөртүче хатынны хастаханәгә китергәннәр.
Тикшерү бара, диелә хәбәрдә.
Фотодан күренгәнчә, машина басуда юл кырыена төшеп киткән.