Әтисе кызына 166 кг акча бүләк иткән
251
Череповец шәһәрендә яшәгән бер гаилә 16 ел эчендә 166 кг тәңкә җыйган. Банк хезмәткәрләре тупланган акчаны 4 сәгать ярым санаганнар – 150 меңнән артык акча чыккан.
Игорь кызына ике яшь тулган көнне аңа копилка бүләк итә һәм аны 16 елдан, кызы балигъ булганнан соң, ватырга сүз бирә. Шул вакыттан алып алар гаиләләре белән копилкага акча сала барганнар. 16 ел эчендә 23 копилка тутырганнар.
Игорьнең кызына 18 яшь тулгач, бу копилкаларның барысын да ватып, «табыш»ны санаганнар. Аннан 40 мең тәңкә һәм 2400 сум кәгазь акча чыккан. Соңыннан банк хезмәткәрләре кызның картасына 151 467 сум акча күчергәннәр.