«Суда шаяру куркыныч!» - Бүген көндез 17 яшьлек үсмер батып үлгән
76
Ярославль өлкәсендә бүген көндез 17 яшьлек үсмер батып үлгән. Бу турыда Россия Гадәттән тыш хәлләр министрлыгы социаль челтәрләрдә хәбәр итте.
Фаҗига Прусов карьерларында була. 17 яшьлек биш үсмер кабартып тутырыла торган көймәдә йөри. Алар бер-берсен суга төртеп төшереп уйный. Шул чакта бер егет бата. Аның мәетен водолазлар тапкан.
«Суда шаярту куркыныч! Таныш булмаган урында чуму, суда уйнашу, көймәдән һәм башка йөзү чараларыннан сикерү фаҗигагә китерә», диелә хәбәрдә.