Бер тәүлектә Татарстан елгаларында су 25 сантиметрга кадәр күтәрелгән
130
Татарстанда язгы ташу дәвам итә. Бер тәүлек эчендә елгаларда су биеклеге кайбер урыннарда 25 сантиметрга кадәр күтәрелгән. Бу хакта «Татар-информ»га РФ Гадәттән тыш хәлләр министрлыгының Татарстан буенча Баш идарәсендә хәбәр иткәннәр.
«Республика елгаларында узган тәүлектә су күтәрелү дәвам итте. Күпчелек сулыкларда ул 1–11 см тәшкил итте, ә Кама аръягы елгаларында 4–25 смга кадәр артты», — дип белдергәннәр ведомствода.
Шулай да хәзерге күрсәткечләр суның тугайларга чыгу дәрәҗәсеннән түбән кала һәм куркыныч билгеләргә җитми.